Middle East Armenian Portal
Home News Forums Articles   Directory   Links Downloads Photos Services Events Calendar About us  
Directory
 


Sahag II (Catholicos) ---

Catholicos Sahag II Khabayan: Catholicos of Cilicia (1903-1939)

Born in Kharpert in 1849 he was ordained Catholicos of Cilicia in the Monastery of Sis in 1903.

At that time the Catholicosate was in a very poor and neglected condition. The situation deteriorated even more after the Massacres of Adana in 1909.

During the Genocide 1915 Catholicos Sahag was exiled first to Aleppo, Idlib and Damascus and then back to Cilicia after the temporary withdrawal of the Turkish forces. He was obliged to leave Sis again in 1921 after the French withdrawal. He stayed in Aleppo where he restored the Prelacy.

In 1930 Catholicos Sahag moves to Antelias, Lebanon, the new location of the Catholicosate. He publishes "Hasg" periodical and revives Armenian education in Lebanon and Syria. 

Սահակ Բ. Խապայեան Կաթողիկոս Խապայեան ծնեալ` Խարբերդ 1849-ին, եղած է ամէնէն տառապած ու վշտակիր Կաթողիկոսը: Ան վանական կրթութիւն ստանալէ ետք` 1902-ին Կիլիկիոյ Կաթողիկոս ընտրուած է եւ 1903-ին օծուած Սիսի մէջ:

Կաթողիկոսի ընտրութեան ժամանակ միաբանութիւնը կը գտնուէր խեղճ վիճակի մէջ, հոն կային երկու կիսաւեր վանքեր, գրեթէ անբնակելի եւ աւերակ մատուռներ, վրայ կը հասնի 1909-ի Ատանայի կոտորածը եւ Ապրիլեան Եղեռնը: Սահակ Կաթողիկոս կ՛աքսորուի Հալէպ, Իտլիպ, Դամասկոս եւ այսպէս չորս տարի տարագրութենէ ետք, կրկին կը վերադառնայ Կիլիկիա: 1920-ին, կը փութայ Փարիզ` օգնութիւն խնդրելու, սակայն ապարդիւն: Ան կը մնայ ժողովուրդին հետ միշտ մխիթարելով զայն, մինչեւ Կիլիկիոյ վերջնական պարպումը 1921-ին: Նոյն թուականին կը հաստատուի Հալէպ եւ կը վերականգնէ Առաջնորդարանը:

Սահակ Կաթողիկոս 1923-ին օրհնեց առաջին Ս. Միւռոնը: 1928-ին հրապարակեց Կտակ գրութիւնը: 1930-ին ան վերջնականապէս հաստատուեցաւ Անթիլիաս, հիմնեց Դպրեվանք, տպարան, մատենադարան, գանձատուն: Եւ այսպէս կրկին անգամ ղօղանջեցին զանգերը, վկայելով ջարդուած, բայց չմեռած ու չմեռնող-գոյատեւող ժողովուրդի ձայնը:

1931 թուականին, Հալէպի մէջ կայացած Մեծի Տանն Կիլիկիոյ պատգամաւորական ժողովին, Բաբգէն Ա. Կիւլէսէրեան Աթոռակից Կաթողիկոս կ՛ընտըրուի եւ կ՛օծուի Ս. Քառասնից Մանկանց Եկեղեցւոյ մէջ, որ պատմութեան մէջ հանդիսացած է նաեւ կաթողիկոսանիստ եկեղեցի:

Այսպիսով Սահակ եւ Բաբգէն կաթողիկոսներ կը սկսին իրենց կազմակերպչական ու վերաշինութեան աշխատանքները: Կը հրատարակեն Հասկ ամսագիրը, բերել կու տան Լուսաւորիչի աջը, կը մշակեն միջ-եկեղեցական յարաբերութիւններ, կը հիմնեն Հայաստանեայց Եկեղեցւոյ Կիրակնօրեայ դպրոցներ, կը գումարեն եպիսկոպոսական ժողովներ, կը կատարեն թեմական այցելութիւններ:

Սահակ Կաթողիկոս հազիւ սկսած էր իր վիշտերը ամոքելու, կը վախճանի Բաբգէն Կաթողիկոս 68 տարեկան հասակին:

Սահակ Կաթողիկոս կը վախճանի Յուլիս ամսուան 1939-ին:

Քաղուած 09 Մարտ 2011ին Հալէպի մէջ տրուած դասախօսութենէ (Դասախօս՝ Մեծի Տանն Կիլիկիոյ Կաթողիկոսութեան միաբան` Հոգշ. Վարանդ Վրդ. Քորթմոսեան, թղթակից՝ Դալար Ղազէլեան, Գանձասար):

 

 
Bookmark and Share


Announcements
Azad-Hye Diary
UAE Armenians


















   


Home · News · Forums · Articles · Directory · Links · Downloads · Photos · Services · Diary · Events Calendar · About Us

Copyright © Azad-Hye, 2003-2009. All Rights Reserved.